Samstarf við HR um símenntun

FLE hefur gert samstarfssamning við Háskólann í Reykjavík um framhalds- og símenntun félagsmanna. Samningurinn var undirritaður 21. janúar og mun HR opna námskeið á meistarastigi tengd reikningsskilum og endurskoðun fyrir félagsmönnum FLE. Hér má nálgast frétt um málið á vef HR.

Skilyrði fyrir skráningu í námskeið eru: 

• Eingöngu félagsmenn FLE fá aðgang að námskeiðunum 
• Þátttakendur verða að hafa lokið prófi sem endurskoðendur t.d. cand oecon, master eða MSc 
• Félagsmenn taka ekki próf í námskeiðinu, fá ekki ECTS einingar en fá skriflega viðurkenningu fyrir þátttöku 
• Félagsmenn fá aðgang að öllum kennslugögnum, glærum o.s.frv. á vef HR með eigin notendanafni 
• Kostnaður vegna kennslubóka er fyrir utan námskeiðsgjald. 
• Mætingarskylda er á námskeiðin 
• Námskeiðsgjald verður að vera greitt áður en námskeið hefst

Skráning á námskeiðin fer fram í gegnum vef símenntunar Opna háskólans í HR